Ang original na plan eh magpunta sa Eden Nature Park pero dahil nagpadala ako sa mga bad reviews na nabasa ko, di na lang. Next eh naisip naming gumora sa Maxima. Mag scuba sana kame and more snorkeling!

Pero dahil game 7 sa NBA, nag iba ang plano. Tapos talo ang GSW.

So ayun, ang naging ganap eh bumili ng pasalubong tapos kumain sa peymus na Lachi's then spa sa gabi. Syempre before hand eh puro basa na ko ng reviews.

For pasalubong, ang daming nag recommend ng Apo ni Lola. Nag cab na lang kame papunta dun at ayun puro gawa sa durian (obviously), mangosteen, at langka na mga food. Meron ding mga damit on the side. Pero dahil hindi naman ako fan ng durian at yema, di ko masyadong bet to. Sorry sa mga pinasalubungan namin na di din bet. It's the thought that counts naman!

Unforgettable Ribs and Elsie's Melt-In-Your-Pork Roast

After bumili ng ilang balot ng yema, candies, at tarts, we decided na mag lunch sa Lachi's. Mixed ang reviews about this place. Yung iba all praises, yung iba naman sa Trip Advisor overrated daw. Ang gusto ko talaga matikman eh yung pinagmamalaki nilang sansrival. Sobrang nainlove kasi ako sa sansrival ng Felicia's so iniisip ko na baka mas masarap to! Madalas pag bago samin ang restaurant, yung best sellers ang ino-order namin: Unforgettable Pork Ribs, Elsie's melt in your mouth pork roast, five chocolate torte, and classic sansrival. Siguro iba lang ang nakasanayan naming lasa ng ribs kasi yung ribs dito eh close to tocino ang lasa tapos dry sya. Sanay kame na smoky bbq ang lasa at medyo sticky dahil sa sauce. Ang pork roast naman ni Elsie ay oily, as in pwede mo na scoop out yung mantika sa dami. Masarap naman pero hindi "wow" moment.

At ang sansrival. It was alright pero mas nasasarapan talaga ako sa version ni Felicia's.

Lachi's classic sansrival

Five chocolate torte

Hindi naman sa panget yung experience, hindi nga lang din mind-blowing or yung wow. I guess we were expecting more kasi nga ang bobongga ng reviews about it. Try nyo pa din pag nasa Davao kayo. Puno yung place at sandali lang nababakante ang tables so madami talagang bet na bet ang lugar na to. Affordable din kasi ang meals and cakes.

After Lachi's, balik sa condo para humilata pa more habang nag da-download ng episode 9 ng GoT! So ayun, nap tapos nood ng masyadong nakaka-excite ever na palabas na to. Hindi ako mapakali as in! Grabehan lang sa suspense.

Around 7PM, gora na kame sa Firm Massage Spa (main) na isang tumbling lang from the condo. Nung hinahanap na namin, saka lang namin nakita yung mga seafood restos near Victoria Plaza at madaming ihaw-ihaw along the street. Eh busog na busog pa kame so hindi na kame nag-try.

Back to the spa. Kinuha namin yung Loving Touch package. Massage plus facial at 1,350. Pwede na di ba? Sabi pa sa article na to, top 2 daw sa best massage spa in Davao. Must be true no? Wag na lang ang facilities o ichura nung place, di naman kame maselan sa aesthetics ng lugar basta malinis naman and nasa tamang lugar mga bagay-bagay. For me, ang masarap na massage eh yung feeling jelly ka and refreshed. Nakatulog ako at some point pero hinihintay ko na ma-stretch mga muscles ko pero waley. "Yun na yun?" ang naisip ko after. Pagdating sa facial naku pasalamat na lang ako at hindi sila nag prick. Syempre ang dalas ko magpa-facial so hindi naman ako neophyte sa ganitong labanan. Parang wala pang 5 minutes yung steam, yung scrub eh halos pumasok sa ilong ko, at nung nagtatanggal ng blackheads sa ilong ko eh halos ipasok ni ate yung bulak na may toner ata sa butas ng ilong ko (baka sa sobrang gigil?). Naimagine mo ba yung kalbaryo ko? Singhot na singhot ko yung toner tapos kailangan sa bibig na ko huminga. Buti na lang at ilong lang ang pinakealaman nila. Mababaw siguro to for some pero medyo nakakairita pala pag maiingay ang mga tao sa spa. Kasi gusto mo mag relax kaya ka pumunta dun hindi para makasagap ng chismis na si ganito eh nag AWOL pagkakuha ng unang sweldo o kaya hagikhikan ng hagikhikan over something na sana eh nakakakilig naman talaga. Nakakaloka lang. Ang maganda lang eh 24/7 sya so hindi mo kailangan mag worry about oras. Pero kasi, ang daming spa around the area, pili ka na lang.

Do we recommend it? Nope, probably not. Lalo na ang dami mo pang pwedeng i-try. Eto pa naman ang ni-look forward namin talaga sa araw na to kaya medyo mataas ang expectations. Pagbalik sa condo, ligpit na ng stuff para sa flight back to Manila kinabukasan. Buti na lang nag-email si AirAsia na delayed ng one hour ang flight, may extra one hour ng tulog pa kame.

See you tomorrow Manila!